"Цюрих" ҳужумчиси Вилли Ньонтога "Хоффенхайм" қизиқиш билдирмоқда, деб ёзади журналист Жанлука Ди Марцио ўзининг Twitter саҳифасида.
18 ёшли ҳужумчи Италия терма жамоасида жорий йилнинг июнь ойида дебют қилганди.
Футболчига немис клубидан ташқари ПСВ, “Боруссия М” ва “Фрайбург” клублари қизиқиш билдиришган.
Ньонто ўтган мавсумда "Цюрих" таркибида 36 ўйинда майдонга тушиб, 10 гол ва 5 голга ассистентлик қилган.
Унинг клуб билан шартномаси 2023 йилнинг июнигача мўлжалланган. Transfermarkt портали уни 10 миллион еврога баҳоламоқда.