ПСВ ҳужумчиси Арминду Брума фаолиятини Туркияда давом эттиради. "Фенербахче" 27 ёшли португалияликни ижарага олганини эълон қилди.
“Футболчи тез орада музокараларни якунлаш, тиббий кўрикдан ўтиш ва шартнома имзолаш учун Истанбулга етиб боради”, — дейилади турк клуби Twitter'ида.
Брума ўтган мавсумда барча турнирларда 46 та ўйинда майдонга тушиб, 10 та гол урди ва 4 та голга ассистентлик қилди.
Эслатиб ўтамиз, аввалроқ португалиялик вингер Туркияда "Галатасарой" ва "Газиантепспор" клубларида ўйнаган.
