"Барселона" ярим ҳимоячиси Френки де Йонг "Манчестер Юнайтед"нинг унга бўлган қизиқиши ҳақида фикр билдирди.
“Бошқа жамоалар сизга футболчи сифатида қизиқиш билдирса, доим хурсанд бўласиз, аммо ҳозир мен дунёнинг энг катта клубидаман. "Барселона"да ўзимни яхши ҳис қиляпман, шунинг учун ... янгилик йўқ", - дея Де Йонгнинг сўзларидан иқтибос келтирган журналист-инсайдер Фабрицио Романо.
Де Йонг ўтган мавсумда каталонияликлар сафида 46 та ўйинда 4 та гол урди ва 5 та голга ассистентлик қилди. Футболчининг "Барселона" билан амалдаги шартномаси 2026 йилнинг 30 июнига қадар мўлжалланган.
