Аргентина терма жамоаси дарвозабони Эмилиано Мартинес ЖЧ-2022'да энг яхши дарвозабон бўлишни хоҳлаётганини айтди.
"Агар терма жамоа билан ғалаба қозонишни истасам, ўз олдимга энг юқори мақсадларни қўйишим керак. Дўстларим билан кофе ичишга ҳам чиқмайман. Мен ўз ишим билан овораман. Мен жаҳон чемпионатининг энг яхши дарвозабони бўлишни хоҳлайман", - деди Мартинес.
Эслатиб ўтамиз, ЖЧ-2022да Аргентина терма жамоаси Саудия Арабистони, Мексика ва Польша терма жамоалари билан C гуруҳида ўйнайди. Турнир Қатарда 21 ноябрдан 18 декабрга қадар бўлиб ўтади.