"Болонья" ҳужумчиси Марко Арнаутович "Ювентус" қизиқишлари доирасига тушиб қолди. Турин клуби 33 ёшли австриялик футболчи билан аллақачон дастлабки музокараларни ўтказган, деб хабар беради Calciomercato.
"Ювентус" ҳам эҳтимолий трансферни ўрганиш учун футболчининг атрофидагилар билан боғланди. Қайд этилишича, "Болонья" ўз тўпурари сотилишига қарши.
Арнаутович ўтган мавсумда барча турнирларда 34 та ўйин ўтказиб, 15 та гол ва 1 та голли узатмани амалга оширди.
Ҳужумчининг клуби билан шартномаси 2024 йилгача мўлжалланган. Шартномада шартномани яна бир мавсумга узайтириш имконияти ҳам мавжуд.
Transfermarkt футболчининг нархини 6 миллион еврога баҳоламоқда.