"Арсенал" "Манчестер Сити" ҳужумчиси Габриэл Жезусни қўлга киритиш устида ишламоқда.
The Times нашрининг ёзишича, Лондон клубининг келишув муваффақиятли амалга ошишига ишончи ортиб бормоқда. Бразилиялик футболчининг ўзи "Арсенал"га ўтмоқчи. Эрлинг Холанд трансферидан сўнг Жезус "Ман Сити"ни тарк этишга қарор қилди.
"Канонирлар" томонидан қилинган биринчи таклифнинг ҳажми 30 миллион фунт эди. Энди "Арсенал" ўз таклифини ошириб, уни "Ман Сити" ҳужумчи учун сўраган 50 миллион фунтга яқинлаштириши кутилмоқда.
"Арсенал" бош мураббийи Микель Артета учун Жезуснинг трансфери ёздаги устувор вазифалардан бирига айланди. Улар бир-бирларини яхши билишади. Ҳужумчига “Тоттенхэм” ва “Челси” клублари ҳам таклиф билан чиқишган.
Бундан ташқари, "Арсенал" "Лестер" ярим ҳимоячиси Юри Тилемансни клубга ўтишга кўндира олишига ишончи комил.
