«Арсенал» португалиялик ёш ярим ҳимоячи Фабио Виейра билан шартнома имзолайди.

Лондон клуби «Порту»дан 22 ёшли ярим ҳимоячининг трансферига рози бўлди.

Ушбу трансфер «канонирлар»га 35 миллион еврога тушади. 5 миллион бонуслар «Арсенал» Чемпионлар лигасига қайтганда, шунингдек, футболчи клуб учун керакли миқдордаги ўйин кўрсатганда фаоллашади.

Яқин орада Виейра «Арсенал» билан шартнома имзолаш учун Англияга учиб кетади.

Ўтган мавсумда ярим ҳимоячи Португалия чемпионатининг 27 учрашувида 6 та гол урди ва 14 та голли узатмани амалга оширди ва «Порту»нинг энг яхши ассистентига айланди.