"Аталанта"нинг украиналик ярим ҳимоячиси Руслан Малиновский "Ювентус"га ўтиши мумкин, дея хабар беради Juventus Area.
Манбага кўра, Бергамо клуби украиналик футболчини "Юве"нинг туркиялик ҳимоячиси Мерих Демиралга алмаштириши мумкин. Ҳозирда клублар музокаралар олиб бормоқда.
29 ёшли Малиновский ўтган мавсумда "Аталанта" сафида барча турнирларда 41 ўйинда майдонга тушиб, 10 гол урди ва 7 голга ассистентлик қилди. 24 ёшли Демирал “Аталанта” сафида ижара асосида ўйнади, 42 та ўйинда қатнашиб, 2 та гол урди ва 3 та голли узатмани амалга оширди.