"Бавария" ҳужумчиси Роберт Левандовскининг собиқ агенти Цезари Кучарски нега польяк инглиз клубларига ўтишни истамаслигини тушунтириб берди.
“Менича Робертнинг Англияга бормаслигининг сабаби унинг Германиядагидек самарали бўлиши мумкинлигига шубҳа қилганида эди. Роберт бундан жуда қўрқарди", - дея Кухарски сўзларидан иқтибос келтиради Bild.
Аввалроқ Левандовски фаолиятини "Барселона"да давом эттириши мумкинлиги ҳақида хабарлар тарқалган эди.
Ўтган мавсумда Роберт "Бавария" сафида барча мусобақаларда 47 ўйинда 50 та гол урди ва 7 та голли узатмани амалга оширди. Ҳужумчининг Мюнхен клуби билан шартномаси 2023 йилнинг 30 июнига қадар мўлжалланган.
