"Рома" ёзда "Атлетико" ярим ҳимоячиси Родриго де Паулни сотиб олмоқчи. Football Italia маълумотларига кўра, "бўрилар" матрасчиларнинг футболчисини қўлга киритиш имкониятига эга эканлигига ишончи комил.
Де Пауль ўтган ёзда "Удинезе"дан "Атлетико"га ўтган эди. Аргентиналик футболчи дебют мавсумида Испания Ла Лигасида 3 та гол урди ва битта голли узатмани амалга оширди.
Аввалроқ, де Пауль "Ванда Метрополитано"даги ўрнидан норози экани ҳақида миш-мишлар тарқалган эди. Аргентиналик футболчи фаолиятини давом эттириш учун бошқа вариантларни кўриб чиқишга тайёр.