"Roma" yozda "Atletiko" yarim himoyachisi Rodrigo de Paulni sotib olmoqchi. Football Italia ma’lumotlariga ko‘ra, "bo‘rilar" matraschilarning futbolchisini qo‘lga kiritish imkoniyatiga ega ekanligiga ishonchi komil.
De Paul o‘tgan yozda "Udineze"dan "Atletiko"ga o‘tgan edi. Argentinalik futbolchi debyut mavsumida Ispaniya La Ligasida 3 ta gol urdi va bitta golli uzatmani amalga oshirdi.
Avvalroq, de Paul "Vanda Metropolitano"dagi o‘rnidan norozi ekani haqida mish-mishlar tarqalgan edi. Argentinalik futbolchi faoliyatini davom ettirish uchun boshqa variantlarni ko‘rib chiqishga tayyor.