"Манчестер Сити" ва Украина терма жамоаси ҳимоячиси Олександр Зинченкога Англиянинг "Эвертон" клуби қизиқиш билдирмоқда.
Фабрицио Романонинг сўзларига кўра, агар "Сити" "Брайтон" ҳимоячиси Марк Кукурельяни трансферини амалга оширса, 25 ёшли украиналик футболчи мерсисайдликлар клубига ўтиши мумкин.
Манбага кўра, Зинченко хизматларига бошқа клублар ҳам қизиқиш билдирмоқда.
25 ёшли украиналик ўтган мавсумда "Манчестер Сити" сафида барча турнирларда 28 та ўйинда майдонга тушиб, 5 та гол ва 5 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.