"Атлетико Мадрид"да ижара асосида ўйнаётган "Барселона" ҳужумчиси Антуан Гризманн Мадрид клубида қолмоқчи.
АS хабарига кўра, 31 ёшли футболчи "Атлетико Мадрид"да қолишидан умидвор. У ижара шартномаси тугаганидан кейин "Барселона"га қайтишни истамаяпти, шу боис "матрасчилар" унга бўлган ҳуқуқни Каталония клубидан сотиб олишини истамоқда.
Антуан Гризманн 2021 йил август ойи охирида ижара асосида Мадриднинг “Атлетико” клубига ўтган эди. Шартнома икки мавсумга мўлжалланган, шунинг учун франциялик ҳужумчи келаси мавсумни ҳам Мадрид клубида ўтказади.