"Барселона" бош мураббийи раҳбариятга Усмон Дембеленинг келажаги борасидаги позицияси ҳақида гапирди.
Хави Каталония клуби раҳбарларидан франциялик қанот ҳужумчисини жамоада қолишга кўндириш учун сўнгги бор уринишни сўради.
Қайд этилишича, томонлар сўнгги бир неча ҳафта давомида янги шартнома бўйича музокараларда муваффақиятга эриша олмаган.
Футболчининг клуб билан амалдаги шартномаси июнь ойи охирида якунига етади.
Олдинроқ Дембеле "Барселона" билан янги шартнома шартлари бўйича келиша олмагани ҳақида хабарлар тарқалган эди.
Ўтган мавсумда футболчи Испания чемпионатининг 21 ўйинида 1 та гол урди ва 13 та голли узатмани амалга оширди.