"Женоа" ҳимоячиси Андреа Камбьясо фаолиятини "Интер"да давом эттириши мумкин, дея хабар беради журналист Николо Скира.
Манбага кўра, милан клуби 22 ёшли италияликни ўз сафига қўшиб олишга уринишда давом этмоқда. Шу билан бирга, трансфер амалга оширилган тақдирда “Интер” футболчини ижарага беради. "Болонья" ҳимоячига аллақачон қизиқиш билдирган.
Камбьясо ўтган мавсум А Серияда 26 та ўйинда майдонга тушиб, 1 та гол ва 4 та голли узатмани амалга оширди. Transfermarkt портали футболчининг нархини 5 миллион еврога баҳоламоқда.
