"Барселона" ҳимоячиси Клеман Лангле ёзда жамоани тарк этишга қарор қилди, деб хабар беради Mundo Deportivo.
Каталонияликлар бош мураббийи Хави 27 ёшли франциялик футболчини асосий таркибдаги ўйинчи сифатида кўрмаслигини анчадан буён огоҳлантирган.
Аввалроқ, Ланглега "Марсель", "Тоттенхэм" ва Португалиянинг бир қатор клублари қизиқиш билдираётгани ҳақида хабар берилганди.
Франциялик футболчининг "Барселона" билан амалдаги шартномаси 2026 йилгача мўлжалланган. Transfermarkt.com портали уни 14 миллион еврога баҳоламоқда.
2021/22 йилги мавсумда Лангле барча мусобақаларда 27 та ўйинда майдонга тушди ва битта голли узатмани амалга оширди.
