"Манчестер Юнайтед" "Барселона"га ярим ҳимоячи Френки де Йонг учун янги таклиф билан чиқди. Инглиз клуби 25 ёшли футболчи учун 70 миллион евро таклиф қилган ва у билан аллақачон 5 йиллик шахсий шартномага келишиб олган. Бу ҳақда журналист Николо Скира Twitter'да хабар берди.
Де Йонгни "Манчестер Юнайтед"да кўришни жамоага Френки билан "Аякс"да ишлаган янги бош мураббий Эрик тен Хагни хоҳлайди. Томонлар бир неча ҳафтадан бери музокара олиб боришмоқда, ярим ҳимоячи ёзги трансфер ойнасида "МЮ"га келган илк футболчига айланиши мумкин.
"Барселона" сафида Френки жами 138 та ўйинда майдонга тушган ярим ҳимоячи 12 та гол урди ва 17 та голли узатмани амалга оширди. Томонлар ўртасидаги келишув 2026 йилда якунига етади.