2023/24 йилги мавсумда "Барселона" уй ўйинларини "Камп Ноу"дан ташқарида ўтказади.
Каталония клубининг уй аренасини реконструкция қилиш ишлари шу ёзда бошланади, аммо шунга қарамай, жамоа 2022/23 йилги мавсумни “Камп Ноу” стадионида ўтказади. 2023/24 йилги мавсумда клуб "Олимпия" стадионига кўчиб ўтади.
Бу ҳақда каталонияликлар президенти Жоан Лапорта махсус матбуот анжуманида маълум қилди.
Мажбурий кўчиш туфайли “Барселона” ўйинларига бориши мумкин бўлган мухлислар сони деярли икки баробар камаяди. Агар “Камп Ноу” стадиони 98 000 томошабинни сиғдира олса, “Олимпия” стадиони сиғими 55 000 томошабинни ташкил этади.
