«Челси» ва Испания терма жамоаси дарвозабони 27 ёшли Кепа Аррисабалага ижара асосида «Ницца»га ўтиши мумкин. Бу ҳақда Footmercato хабар бермоқда.
Манбага кўра, «Ницца» собиқ дарвозабон Вальтер Бенитес «ПСВ»га кетганидан сўнг янги сифатли дарвозабон сотиб олишга қизиқиш билдирган.
«Ницца» 2021/2022 йилги мавсумда «ПСЖ»дан ижарага олинган жамоанинг асосий дарвозабони Марцин Булкани сотиб олиш ҳуқуқини фаоллаштирди. Эндиликда клуб иккинчи дарвозабон изламоқда ва Кепа номзодини жиддий кўриб чиқади.
«Челси» Кепани 2018 йилнинг ёзида Билбаонинг «Атлетик» клубидан 80 миллион евро эвазига сотиб олган эди.