Ватан тушунчаси, уни севиш ва қадрлаш тўғрисида жуда кўп ёзилган, айтилган, шеърлар ёзилган, лекин бу хақида қанча мутолаа қилинса шунча оз бўлса керак. Хаётда шундай ишлар борки, унга меъёр керак, меъёрдан ошгандан сўнг маъноси йўқолади, лекин Ватанни севиш, уни қадрлаш, мадхиясини куйлаш бундан мустасно бўлса керак!... .

Бугун барча Ўзбекистонлик футбол мухлислари якшанба оқшомини интизорлик билан кутишмоқда, албатта хаммани мақсади, ғалаба.

Лекин биласизми, азиз мухлисим, бу ғалабага барчамиз ҳисса қўшмоғимиз, мухлислик қилишимиз ўта зарур. Табиийки, 3 июнь куни мўжазгина "Жар" стадионида Давлатимизнинг биринчи рақамли куйи чалинади. Бу куй чалингандан кўра, моҳир ижрочилар томонидан чиройли равишда куйланса, бунга қўшилиб бутун “Жар” жўр бўлса...

Тасаввур қилинга, якшанба оқшомида “ЖАР”да юртимизнинг суюкли санъаткорларидан Фаррух Зокиров ёки Равшан Комиловлардан бири томонидан Ватанимиз мадхияси микрофон садолари остида жонли тарзда куйланса, бунга қўшилиб бутун “ЖАР” жўр бўлса... . Бахтимизга ўша куни термамиз хам ғалабани тақдим қилса, ўйиндан сўнг бир томонда Хоразм лазгиси, иккинчи томонда эса Андижон полкаси янграса... . 
Осиё еткачиларидан Япония ва Австаралия термаларини ўз уйларида ўтказган ўйинларини махаллий санъаткорлардан бири томонидан Давлат мадхиясини жонли куйланганини бир неча бор кузатдик. Хўш, нега бизда Мадхиямизни бундай тарзда ижро этилмайди? Бу борада футболимиз мутасаддилари ўйлаб кўришса мақсадга мувофиқ бўлар эди.
Хайрулло ВАСИЕВ