Миланнинг “Интер” клуби Франциянинг “ПСЖ” клуби билан етакчи ҳимоячиси Милан Шкриняьрни сотиш бўйича музокараларни давом эттирмоқда. Инсайдер Альфредо Педулланинг тарқатган хабарига кўра, Италия томони словакиялик футболчининг трансфери учун чегирма қилиб беришга рози бўлган.

Агар парижликлар унинг учун 65 миллион евро тўлашса, "Интер" Шкриняьрни Парижга қўйиб юборишга тайёр. Шартномада турли хил бонус тўловлари ҳам бўлади. Олдинроқ, миланликлар клуби ҳимоячининг трансферидан камида 80 миллион ишлаб олмоқчи эканлиги хабар қилинганди.

Шкриньяр 2017 йилнинг ёзидан бери "Интер" шарафини ҳимоя қилмоқда, унинг шартномаси яна бир мавсумга мўлжалланган.

Ҳимоячи ўтган мавсум А Серияда 35 та ўйинда майдонга тушиб, 3 та гол урди ва 3 та сариқ карточка олди.