"Интер" билан музокаралардаги танаффусдан кейин Пауло Дибаланинг келажаги яна шубҳа остида.

Узоқ вақт давомида "Ювентус"нинг собиқ ҳужумчисининг эркин агент сифатида "Интер"га ўтиши фақат вақт масаласи, деб ҳисобланди. Бироқ аргентиналик футболчининг "нерадзуррилар" билан музокаралари ўлик нуқтада қолиб кетди ва яқинда бутунлай тўхтатилди.

Инсайдер Жанлука Ди Марционинг сўзларига кўра, ҳозирда Дибалада биронта ҳам яхши таклиф йўқ. Қизиқиш билдирган "Милан" ҳали аниқ қадамлар қўйганича йўқ. Испаниянинг "Севилья"си 28 ёшли ҳужумчига йилига атиги 3 миллион евро таклиф қилмоқда.