"ПСЖ" клуби ярим ҳимоячиси Андер Эррера журналистларга Килиан Мбаппе нега Париж клуби билан шартномани узайтиришга қарор қилганини айтди.

Эррера АS нашрига ўз шаҳри жамоаси учун тарих яратишга қарор қилган парижлик боланинг қарорини ҳурмат қилишимиз кераклигини айтди. Испаниялик футболчи Мбаппе албатта "Реал Мадрид" тарихидаги энг яхши ўйинчилардан бирига айланишини, аммо энди франциялик футболчи "ПСЖ" тарихидаги энг яхши футболчига айланиши мумкинлигини таъкидлади.

Эслатиб ўтамиз, Килиан Мбаппе шу ёзда эркин агент сифатида "Реал"га ўтиши мумкин эди, бироқ парижликлар жамоаси билан янги шартнома имзолашга қарор қилди.