"Бавария" спорт директори Ҳасан Салихамиджич журналистларга Мюнхен клуби ҳужумчи Серж Гнабри билан хайрлашмоқчи эмаслигини айтди.
Салихамиджичнинг айтишича, мюнхенликлар 26 ёшли германияликни олиб қолишни истамоқда. Спорт директорининг таъкидлашича, агар Гнабри ҳали ҳам "Бавария"ни танламаса, мюнхенликлар ҳар икки томон учун ҳам мос вариантни топишга ҳаракат қилади. Эслатиб ўтамиз, Гнабрига "Реал" қизиқиш билдирмоқда.
Ўтган мавсумда Серж Гнабри Германия чемпионатида 34 та ўйин ўтказиб, 14 та гол ва 5 та голли узатмага муаллифлик қилган.
