"Марсель" "Барселона" ҳимоячиси Клеман Ленглени сотиб олмоқчи эмас, деб ёзади журналист Фабрицио Романо.
Манбага кўра, Франция клуби энди ҳимояни кучайтириш бўйича бошқа режаларга эга, шу боис “Марсель”га ҳозирча Ленгле керак эмас. Футболчининг ўзи ёзги трансфер ойнасида каталонияликларни тарк этмоқчи.
Олдинроқ ҳимоячига "Тоттенхэм" ҳам қизиқиш билдираётгани ҳақида хабарлар тарқалган эди.
Франциялик футболчининг "Барселона" билан амалдаги шартномаси 2026 йилгача мўлжалланган. Transfermarkt.com портали футболчини 14 миллион еврога баҳоламоқда.
2021/22 йилги мавсумда Ленгле барча мусобақаларда 27 та ўйинда майдонга тушди ва битта голли узатмани амалга оширди.
