"Marsel" "Barselona" himoyachisi Kleman Lengleni sotib olmoqchi emas, deb yozadi jurnalist Fabrisio Romano.
Manbaga ko‘ra, Fransiya klubi endi himoyani kuchaytirish bo‘yicha boshqa rejalarga ega, shu bois “Marsel”ga hozircha Lengle kerak emas. Futbolchining o‘zi yozgi transfer oynasida kataloniyaliklarni tark etmoqchi.
Oldinroq himoyachiga "Tottenxem" ham qiziqish bildirayotgani haqida xabarlar tarqalgan edi.
Fransiyalik futbolchining "Barselona" bilan amaldagi shartnomasi 2026 yilgacha mo‘ljallangan. Transfermarkt.com portali futbolchini 14 million yevroga baholamoqda.
2021/22 yilgi mavsumda Lengle barcha musobaqalarda 27 ta o‘yinda maydonga tushdi va bitta golli uzatmani amalga oshirdi.
