"Барселона"нинг собиқ бош мураббийи Хосеп Гвардиола бир йиллик танафус олди, аммо "Милан" ва "Челси" унинг учун курашни бошлаб юбордилар.
Corriere dello Sportнинг хабар беришича, иккала клуб ҳам 41 ёшли мутахассисни таклиф қилиш учун 2013 йилнинг июнь ойида жиддий киришадилар.
Италияда Гвардиоланинг "Рома" ва "Брешиа" клабларида ўйнаган чоғларидаги кўп дўстлари қолган. Бунинг устига "россонери"лар президенти Сильвио Берлускони ҳеч қачон унинг қобилиятидан ҳайратланишини яширмаган.
Бу орада, Лондоннинг "Челси" клуби ҳам Гвардиола хизматларига қизиқиб қолган, келгуси мавсумда у Роберто Ди Маттеони алмаштириши мумкин.
Манбанинг таъкидлашича, испан мутахассисининг агенти Хосеп Мария Оробтиг янги клуб қидируви билан шуғулланишга улгурган. Янги клуб Гвардиоланинг ғояларини амалга оширишга шароит яратиши ва унинг оиласи учун яхши шароитларни кафолатлаши керак.
