Sky Sports хабарига кўра, "Вест Хэм" ҳужумкор ярим ҳимоячи Жесси Лингардга шартнома таклиф қилди.
Манба берган хабарга кўра, "болғачилар" 29 ёшли англиялик футболчини текинга ўз сафига олмоқчи.
2021/22 йилги мавсумда футболчи “Манчестер Юнайтед” сафида 22 та ўйинда майдонга тушиб, 2 та гол урди ва 1 та голли узатмани амалга оширди. Ярим ҳимоячи 1 июль куни “қизил иблислар” билан шартномаси тугагач, расман эркин агентга айланади.
Лингард 2020/21 йилги мавсумнинг иккинчи ярмида "Вест Хэм"да ижара асосида ўйнаган. Ўшанда футболчи лондонликлар сафида 16 та ўйинда 9 та гол урган ва 5 та голли узатмани амалга оширган.
