"Жирона" "Барселона" ҳимоячиси Самуэль Умтитига қизиқиш билдирмоқда, дея хабар беради журналист Экрем Конур.
Манбага кўра, каталонияликлар 28 ёшли франциялик футболчини ўз сафига қўшиб олмоқчи, у ёзда жамоасини ўзгартириши мумкин.
Аввалроқ футболчи учун "Марсель", "Ницца", "Лион", "Фиорентина" ва "Рома" клублари ҳам қизиқиш билдираётгани хабар қилинганди.
2021/22 йилги мавсумда Умтити "Барселона"нинг фақат битта учрашувида қатнашди: у Испания чемпионатининг 17-турида "Осасуна"га қарши ўйинни тўлиқ ўтказди (2:2) ва сариқ карточка ишлаб олди.
"Жирона" ўтган мавсумда Сегундадан Ла Лигага чиқиш учун плей-офф финалида "Тенерифе"ни умумий ҳисобда 3:1 ҳисобида мағлуб этиб, Испания биринчи дивизионига қайтди.
