“ПСЖ” ярим ҳимоячиси Андер Эррера жамоадоши Неймар ҳақида гапирди. Испаниялик футболчи Неймарни аввалроқ “Олтин тўп”ни қўлга киритиши керак эди, деган фикрда. Эррера, шунингдек, бразилиялик вингер нуфузли шахсий мукофотни олиши мумкинлигини ҳам инкор этмасликка чақирди.

“Мен Неймар билан яқин дўстман. У ажойиб жамоадош, футбол сифатлари бўйича эса, шубҳасиз, дунёнинг энг кучли беш нафар футболчисидан бири. У билан бир жамоада ўйнаш – бахт.

Мен у аллақачон “Олтин тўп”ни олиши керак эди, деб ўйлайман. Аммо ҳозирча Неймарда уни сақлаб қолиш эҳтимоли борлигини инкор қилмаслик керак”, – дейди Эррера.

Эслатиб ўтамиз, 30 ёшли Неймар 2017 йилдан бери “ПСЖ”да фаолият юритади. Унинг парижликлар билан шартномаси 2025 йилгача мўлжалланган.