"Реймс" ҳужумчиси Уго Экитике фаолиятини "Бавария"да давом эттириши мумкин, дея хабар беради журналист Мануэл Вето ўзининг Twitter саҳифасида.

Манбага кўра, 20 ёшли Экитике, агар польшалик ҳужумчи Роберт Левандовски кетса, Мюнхен клубининг биринчи танловига айланади.

Олдинроқ Экитике "Ньюкасл" билан шартнома имзолашга яқин тургани, бироқ томонлар ҳалигача якуний келишувга эришмагани ҳақида хабар берилганди.

Футболчига "Реал" ва "ПСЖ" клублари ҳам қизиқиш билдирмоқда.

Ўтган мавсумда у клуб сафида барча турнирларда 26 та ўйинда майдонга тушиб, 11 та гол урди ва 4 та голли узатмани амалга оширди.