"Атлетико" президенти Энрике Сересо бельгиялик ярим ҳимоячи Аксель Витсель Мадрид клубига ўтишини тасдиқлади.
“Бизда Витсель билан келишиб олдик. Расмий эълон қилинишидан олдин бир неча кун ёки ҳафта кутишимиз керак ва у амалга ошади. Энди биз ҳимоячи излаяпмиз", дейди Серезо Mundo Deportivo нашрига.
Эслатиб ўтамиз, Витсель "Боруссия Дортмунд"дан кетганидан кейин эркин агент мақомида. Немис клуби сафида ярим ҳимоячи 144 учрашувда майдонга тушиб, 13 гол урди ва 6 голга ассистентлик қилди.