"Atletiko" prezidenti Enrike Sereso belgiyalik yarim himoyachi Aksel Vitsel Madrid klubiga o‘tishini tasdiqladi.
“Bizda Vitsel bilan kelishib oldik. Rasmiy e’lon qilinishidan oldin bir necha kun yoki hafta kutishimiz kerak va u amalga oshadi. Endi biz himoyachi izlayapmiz", deydi Serezo Mundo Deportivo nashriga.
Eslatib o‘tamiz, Vitsel "Borussiya Dortmund"dan ketganidan keyin erkin agent maqomida. Nemis klubi safida yarim himoyachi 144 uchrashuvda maydonga tushib, 13 gol urdi va 6 golga assistentlik qildi.