Журналист Николо Скиранинг хабар беришича, "Монца" "Аталанта" ярим ҳимоячиси Маттео Пессинанинг трансфери бўйича музокаралар олиб бормоқда.
Манбага кўра, "бьянкоросси" бош директори Андреа Галлиани кеча футболчининг агенти билан учрашув ўтказган ва унда томонлар келишувни муҳокама қилишда олдинга силжишган. Қайд этилишича, Галлиани 25 ёшли италияликни "Монца"нинг янги сардори сифатида кўрмоқда.
2021/22-йилги мавсумда Пессина “Аталанта” сафида 37 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt.com портали футболчининг нархини 16 миллион еврога баҳоламоқда.
