Трансфер ҳуқуқлари «Монако»га тегишли бўлган «Торино» ҳужумчиси Пьетро Пеллегри Туринда қолади, дея хабар беради журналист Николо Скира.
Манба берган хабарга кўра, жамоа ҳужумчини 4,5 миллион еврога сотиб олган. Футболчи яна бир мавсумга узайтириш имконияти билан уч йиллик шартнома имзолади. Яқин кунларда трансфер ҳақида расмий эълон қилиниши кутилмоқда.
Пеллегри француз клубида 2018 йилнинг январь ойидан бери ўйнаб келмоқда, ўшанда у "Женоа"дан 20,9 миллион еврога сотиб олинган.
2022 йилнинг январида 21 ёшли италиялик футболчи "Торино"га ижарага ўтди ва у ерда тўққизта ўйинда битта гол уришга муваффақ бўлди. Transfermarkt сайти уни 4,5 миллион еврога баҳоламоқда.
