ЖЧ салалаш IV босқичининг Ўзбекистон терма жамоаси ўрин олган "А" гуруҳида иккинчи учрашув якунланди. Ливанга сафар қилган Қатар терма жамоаси минимал ғалаба қозониб, 3 очко билан уйига қайтмоқда.
Уругвайдан келтирилиб, "қатарлаштирилган" ҳужумчи Себастьян Сория Куинтананинг 64-дақиқада киритган голи учрашув тақдирини ҳал қилди. Ушбу учрашувдан сўнг "А" гуруҳида Эрон ва Қатар терма жамоалари бир хил кўрсаткич билан пешқадамлик қилишмоқда.
Қатарнинг ушбу ғалабаси Вадим Абрамов жамоаси олдига янги вазифа қўяди. Энди сафарда Ливанни ютишимиздан бошқа иложимиз йўқ. Акс ҳолда, ЖЧ йўлланмаси учун нафақат Ж.Корея ва Эрон, балким Қатарни ҳам таъқиб этишга мажбур бўламиз.
Вазифа жуда қийин бўлиши турган гап. Чунки Қатарга қарши ўйинни ливанликлар маҳаллий вақт билан 20:30 га белгилаган бўлишса, 8 июнь кунги Ўзбекистонга қарши учрашув жазирама пайтга – маҳаллий вақт билан 16:00 га қўйилган. Нима ҳам дердик, Абрамовнинг рақиблар Абрамовга Абрамов услубида жавоб беришмоқда.
ЖЧ-2014 саралаши. Осиё. IV босқич. "А" гуруҳи. 1-тур.
ЎЗБЕКИСТОН – ЭРОН 0:1 (0:0)
Гол: Муҳаммадризо Халатбарий (90+4)
ЛИВАН – ҚАТАР 0:1 (0:0)
Гол: Себстьян Сория Куиантана (64)
ТУРНИР ЖАДВАЛИ
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Эрон | 1 | 1 | 0 | 0 | 1-0 | 3 |
| 1 | Қатар | 1 | 1 | 0 | 0 | 1-0 | 3 |
| 3 | Жанубий Корея | 0 | 0 | 0 | 0 | 0-0 | 0 |
| 4 | Ўзбекистон | 1 | 0 | 0 | 1 | 0-1 | 0 |
| 4 | Ливан | 1 | 0 | 0 | 1 | 0-1 | 0 |
Кейинги, 2-тур анонси
08.06. 18:00. Байрут. ЛИВАН - ЎЗБЕКИСТОН
08.06. 21:15. Доҳа. ҚАТАР – ЖАНУБИЙ КОРЕЯ
