"Бавария" ҳужумчи Серж Гнабри клубда қолиб, 2023 йилда тугайдиган шартномасини узайтирмаса, унга нисбатан интизомий жазо чораларини кўриб чиқмоқда.
Kicker журналисти Георг Хользнернинг ёзишича, "қизиллар" раҳбарлари янги мавсумда футболчини қайдномадан четда қолдиришга тайёр, бунинг натижасида Гнабри ўйинларни трибунадан кузатишга мажбур бўлади.
Мюнхен клуби аллақачон футболчига ҳамкорликни узайтиришни таклиф қилган, бироқ футболчи уни қабул қилишга шошилмаяпти.
Гнабрининг фикрича, клуб бошлиқлари у билан шартномани аввалроқ узайтириш масаласини ҳал қилишлари мумкин. Футболчи ҳозир таътилда, шундан сўнг у келажаги ҳақида қарор қабул қилади.
2021/22 йилги мавсумда Гнабри "Бавария" сафида барча турнирларда 45 та ўйинда майдонга тушиб, 17 та гол урди ва 10 та голли узатмани амалга оширди.
