“Металлург” ҳамда “Локомотив” жамоалари бугунга қадар кучлилар сафида ўзаро 36  ўйин ўтказган. Улардан 6 тасида “Металлург”нинг қўли баланд келган. 11 та учрашувда дуранг натижа қайд этилган. 19 ўйинда эса темирйўлчилар зафар қучишган. Киритилган ва ўтказиб юборилган тўплар фарқи – 34:60, тошкентликлар фойдасига.

Мазкур жамоаларнинг Бекободда ўтказилган учрашувларига назар ташлайдиган бўлсак, бу ерда ҳам устунлик “Локомотив” жамоаси томонида. Ортда қолган 18 учрашувнинг 4 тасида мезбонлар зафар қучишган. 7 та ўйинда кучлар тенг келган. 7 та баҳсда эса тошкентликлар муваффақиятга эришишган.

Қуйида Бекободда кечган охирги бешта учрашув натижаси билан танишинг:

01.10.2021  “Металлург” – “Локомотив” – 1:2
25.09.2020  “Металлург” – “Локомотив” – 2:2
12.05.2019  “Металлург” – “Локомотив” – 0:0
14.09.2018  “Металлург” – “Локомотив” – 0:1
26.05.2018  “Металлург” – “Локомотив” – 2:0

“Локомотив” ҳақида

“Локомотив” мамлакатимизнинг энг кучли ва номдор жамоаларидан бири саналади: уч марта мамлакат чемпиони, уч марта Ўзбекистон кубоги соҳиби ва бир неча карра чемпионат совриндори бўлишган. Бундан ташқари Суперкубок баҳсларида ҳам икки марта муваффақиятга эришган.

Темирйўлчилар олий лига баҳсларида бугунгача 488 та ўйин ўтказиб, шулардан 242 тасида ғалаба қозонишган. 100 ўйинда дурангга эришишган бўлса, 146 учрашувда имкониятни бой беришган. “Локомотив” рақиблари дарвозасини 783 марта ишғол этган ҳолда, ўз дарвозаларидан 559 та тўп олиб чиқишган. Жамоанинг миллий чемпионатларимиздаги энг йирик ҳисобдаги ғалабаси – 7:0 (2015 – “Сўғдиёна”, 2017 – “Обод”). Энг йирик мағлубияти – 0:7 (2020 – “Пахтакор”).