Италия чемпионатининг янги мавсуми учун янгиланган регламенти тасдиқланди. Регламентга «Олтин учрашув» қоидаси киритилди.

Унга кўра, мавсум якунида чемпионлик учун курашаётган икки жамоанинг очколари тенг келиб қолса, ғолибни аниқлаш мақсадида «Олтин учрашув» ўтказиладиган бўлди. Бу ўйинда қўшимча бўлимлар бўлмайди. Агар ғолиб 90 дақиқада аниқланмаса, навбат пенальтилар сериясига берилади.

Айтиб ўтганимиздек, ушбу қоида фақат чемпион жамоани аниқлаш учун жорий этилади. Очколар тенг келиб қолганда еврокубокларга бериладиган йўлланмаларни аниқлашда ўзаро ўйинлар ҳисобга олинади.

Бундан ташқари, А сериянинг битта ўйинида бештадан ўйинчи алмаштириш қоидаси сақлаб қолинди.

Эслатиб ўтамиз, мавсум-2021/2022да «Милан» асосий таъқибчиси «Интер»ни 2 очко ортда қолдирган ҳолда чемпионликни қўлга киритди.