"Тоттенхэм" клуби қанот ҳимоячиси Эмерсон Роялни "Атлетико"га сотишдан бош тортди, деб хабар беради Sky Sports. Лондон клуби футболчи билан хайрлашишга шошилмаяпти.
Манбанинг хабарига кўра, мадридликлар 23 ёшли футболчининг трансферига жиддий қизиқиш билдирмоқда. "Атлетико" бразилияликни бир мавсумга ижарага олмоқчи эди, аммо "шпорлар" Мадридга рад жавобини беришди.
Эмерсон ўтган йилнинг август ойидан бери "Тоттенхэм"да тўп тепмоқда. Лондонликлар уни “Барселона”дан 25 миллион еврога сотиб олишди. Бразилиялик футболчининг шартномаси 2026 йилгача мўлжалланган.
