"Барселона" ярим ҳимоячиси Рики Пуч жорий трансфер ойнасида жамоасини тарк этишга яқин турибди. Бош мураббий Хави Эрнандес 22 ёшли футболчи билан кейинги ҳамкорликдан манфаатдор эмаслигини айтди.
Todofichajes'нинг фикрича, Пучда фаолиятини Италия чемпионатида давом эттириш имконияти бор. Испаниялик ярим ҳимоячи хизматларига "Лацио" қизиқмоқда. "Бургутлар" Пучнинг ижарасини келаси мавсум охиригача кўриб чиқишга тайёр.
Рики "Барселона" академиясини тамомлаган. Испания чемпионатининг сўнгги мавсумида ярим ҳимоячи 15та ўйинда қатнашиб, ўз ҳисобига битта гол ёздириб қўйган.
