"Барселона" матбуот хизмати жамоа стадиони "Камп Ноу"нинг номи ўзгарганини эълон қилди.
Энди стадион "Spotify Камп Ноу" деб номланади.
Номни ўзгартириш "Барселона" ва Spotify ўртасидаги келишувнинг бир қисмидир. Ҳомий ёрдами билан каталонияликлар қўшимча маблағ олади. Spotify швед мусиқа стриминг хизматидир. "Барселона" раҳбарияти бундан клуб оладиган суммани айтмади.
Аммо аввалроқ турли хил инсайдерлар клуб бу ҳомийликдан 300 миллион евро ишлаб олиши мумкинлигини даъво қилишган.
Spotify бизнесмен Даниел Экга тегишли. Унинг бойлиги 3,5 миллиард евродан ортиқ баҳоланган.
Аввалроқ “Барселона” раҳбарлари бир неча бор клубнинг жиддий молиявий муаммолари ҳақида гапиришган. Футболчиларнинг маошлари сезиларли даражада камайиши кераклиги хабар қилинганди.
