Бугун, 1-июль куни Италия ва Испания аёллар терма жамоалари ўртасида ўртоқлик учрашуви бўлиб ўтди. Учрашув “Теофило Патини” стадионида бўлиб ўтди ва 1:1 ҳисобида якунланди.
Иккинчи бўлим бошида Италия терма жамоаси ҳужумчиси Валентина Бергамаски ҳисобни очди. Учрашувнинг 67-дақиқасида Алексия Путельяс жавоб голини киритди. Алексия учун бу ўйин Испания терма жамоасидаги 100-баҳс бўлди.
Ҳар икки жамоа 6 июль куни Англияда бошланадиган 2022 йилги Европа чемпионатига тайёргарликни якунлади.
Гуруҳ босқичининг биринчи турида Италия терма жамоаси Франция термаси билан, испанлар эса Финляндия билан тўқнаш келади.
