Ўзбекистон футбол федерацияси Терма жамоалар маркази директори Асқар Толибжоновнинг истеъфога чиққани ҳақида асоссиз хабарлар тарқатилди.
4 июнь куни бир қатор интернет-нашрлар томонидан ЎФФ Терма жамоалар маркази директори Асқар Толибжоновнинг истеъфога чиқарилгани ҳақида хабарлар тарқатилди. ЎФФ матбуот хизмати ушбу хабарлар асосга эга эмаслигини маълум қилади.
«Асқар Толибжонов ЎФФ Терма жамоалар марказига раҳбарлик қилишда давом этади. Унинг истеъфога чиқарилгани хабарлар эса нотўғри ва асоссиздир», - деди ЎФФ матбуот котиби Санжар Ризаев.