Италиянинг «Палермо» клуби «Манчестер Сити»га эгалик қилувчи ҳолдинг қўлига ўтади.

"City Football Group" Б Серия клуби хариди бўйича музокараларни якунлади. Журналист Жанлука ди Марцио хабарига кўра, ҳолдинг сицилияликларнинг 80% акциясини 13 миллион еврога харид қилди. Шунингдек, жамоанинг натижаларига боғлиқ бонуслар ҳам ваъда қилинган.

Яқин орада битим имзоланади. Душанба куни бўлиб ўтиши режалаштирилган матбуот анжуманида бу ҳақида маълумот бериш кўзда тутилган.

Шу тариқа «Палермо» ҳолдинг таркибига кирувчи 11-клубга айланади. City Football Group таркибига «Манчестер Сити», «Ломмер», «Нью-Йорк Сити», «Мелбурн Сити», «Монтевидео Сити», «Жирона», «Йокогама Ф. Маринос», «Труа», «Мумбаи Сити» ва «Сичуан Сзюню» каби жамоалар киради.