"Челси" "ПСЖ" ва Бразилия терма жамоаси ҳужумчиси Неймар вакиллари билан алоқага чиқди.
Олдинроқ Неймар клуб раҳбарияти ва айрим жамоадошлари билан муносабатлари ёмонлашгани сабабли Парижни тарк этиши мумкинлиги ҳақида хабар берилганди.
Неймар ўтган мавсумда "ПСЖ" сафида 28 та ўйинда майдонга тушиб, 13 та гол урди ва 8 та голга ассистентлик қилди.
30 ёшли бразилиялик 2017 йилдан буён "ПСЖ"да ўйнаб келмоқда. Жамоа таркибида футболчи тўрт карра Франция чемпиони бўлди, уч марта мамлакат кубогини қўлга киритди.
1 июль куни 30 ёшли бразилияликнинг клуб билан шартномаси 2027 йилгача узайтирилди.