"Chelsi" "PSJ" va Braziliya terma jamoasi hujumchisi Neymar vakillari bilan aloqaga chiqdi.

Oldinroq Neymar klub rahbariyati va ayrim jamoadoshlari bilan munosabatlari yomonlashgani sababli Parijni tark etishi mumkinligi haqida xabar berilgandi.

Neymar o‘tgan mavsumda "PSJ" safida 28 ta o‘yinda maydonga tushib, 13 ta gol urdi va 8 ta golga assistentlik qildi.

30 yoshli braziliyalik 2017 yildan buyon "PSJ"da o‘ynab kelmoqda. Jamoa tarkibida futbolchi to‘rt karra Fransiya chempioni bo‘ldi, uch marta mamlakat kubogini qo‘lga kiritdi.

1 iyul kuni 30 yoshli braziliyalikning klub bilan shartnomasi 2027 yilgacha uzaytirildi.