"Манчестер Юнайтед" бу ёзда ҳужумчи Криштиану Роналдуни сотишни режалаштирмаяпти, деб хабар беради Sky Sports.
Клуб ҳақиқатан ҳам 37 ёшли португалияликдан эҳтимолий трансфер бўйича сўров олди. Аммо "Манчестер Юнайтед" футболчи билан хайрлашмоқчи эмас.
Аввалроқ, Роналду "Манчестер Юнайтед"дан уни сотишни сўрагани, чунки футболчининг ўзи Чемпионлар лигасида ўйнашни хоҳлаётгани ҳақида хабар берилганди.
Ҳужумчи 2021 йилнинг август ойи охирида "Манчестер Юнайтед"га қайтди. 2021/22 йилги мавсумда у жамоа учун барча мусобақаларда 38 та ўйинда 24 та гол урди ва 3 та голли узатмани амалга оширди.
Ҳужумчининг клуб билан шартномаси 2023 йилнинг 30 июнига қадар мўлжалланган.
