Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

«Пахтакор» ўсмирлари халқаро турнирда совриндори

Баҳо:
+ | -

1999 йилда таваллуд топган футболчилардан иборат Тошкент "Пахтакор" клубининг иккинчи жамоаси  Қозоғистондаги халқаро турнирда кучли учликдан ўрин олди. Бу ҳақда клуб расмий сайти хабар тарқатмоқда.

Тараз шаҳрида собиқ СССР спорт устаси Антон Шох хотирасига бағишлаб тўртинчи бор ўтказилган мусобақада мезбонлардан ташқари Россия, Қирғизистон ҳамда Ўзбекистондан жамоалар иштирок этди. Академиямиз тарбияланувчилари иккинчи гуруҳда "Тараз", ЦСКА Москва ва Остонанинг "Локомотив" клубларини мағлуб этишди. Мезбонлар 4:1, ЦСКА 2:1 ва остоналиклар 5:2 ҳисобида доғда қолдирилди.

Ярим финалда Тольятти футбол мактаби жамоасига эса 2:5 ҳисобида имконият бой берилди. Ушбу мактаб Россиядаги энг кучли жамоалардан бири ҳисобланади. Учинчи ўрин учун учрашувда эса "Тараз" яна бир бор йирик ҳисобда мағлуб этилди, 3:0. Шу тариқа Қозоғистондан ёш футболчиларимиз учинчи ўрин билан қайтишди. Жамоамиз посбони Михаил Каплан эса турнирнинг энг яхши дарвозабонига аталган совринни қабул қилиб олди.

Манба: www.pakhtakor.uz
Киритилди: 13:55, 05.06.2012.
Ўқилди: 4697 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.