Криштиану Роналду узоқ йиллик фаолияти давомида 13 нафар мураббий қўл остида ўйнган.

Фақатгина бир мураббий уни захирага олишга жазм эта олмаган. Бу — Рафа Бенитес. Испаниялик мутахассис 2015 йилнинг ёзида Карло Анчелоттининг ўрнини эгаллаганди. Аммо Бенитес орадан 7 ой ўтиб «Мадрид»ни тарк этди. Рафа истеъфога чиқарилган январь ойида "Реал" Ла лигада 3-ўринда бораётганди. «Қироллик клуби» Бенитес қўл остида 25та ўйинда иштирок этган бўлса, Роналду уларнинг 24тасини асосий таркибда майдонга тушган. Мураббий бу ўйинларда уни бирор марта захирага олмаган. Португалиялик футболчи мазкур учрашувларда 25та гол уриб, 8та ассистни амалга оширган.

Киштиануни энг кўп майдондан олган мураббий эса — Алекс Фергюсон. У «Манчестер Юнайтед» учрашувларининг 292тасида Роналдуни майдонга тушириб, шундан 72тасида уни захирага олган.